評論一覽
繁體中文的評論 (全語言評論總數 : 2 則評論)
Escape27348226689
香港
“出世魚の旨味 · 鰤刺丼膳”
16/Oct/2023的評論
同朋友一行四人出遊日本福岡，到步嘅第一餐晚餐，位於博多站シティ くうてん商場九樓，「喜水亭和樂」主打定食，木系裝修配合偏黃嘅燈光，環境空間氣氛柔和，同朋友食得舒適放鬆，店員親切，我哋用平板點餐。 ❀鰤刺丼膳 ¥2310 成set定食賣相好靚，鰤魚刺身鋪得整齊靚靚的，鋪滿成碗丼。野生捕捉而且大條嘅油...甘魚統稱鰤魚，入口鮮甜，油脂豐富濃郁。配生鵪鶉蛋，同埋勁多蔥，撈埋飯一齊食好滿足，所有定食都包括醃醬菜、小鉢、茶碗蒸、湯、自製芝麻醬。 ❀天麩羅膳 ¥2860 天婦羅蝦有三隻，加埋魚、番薯、南瓜、辣椒共十件。炸粉薄，炸得香脆又唔油膩。飯份量可以選擇少飯。 ❀海鮮丼膳 ¥2530 有六款刺身嘅丼，全部鮮甜。 ❀筐咲季膳 ¥2640 新鮮刺身有三款，仲有每月都會替換食材嘅木盒，今次係煎三文魚，豆腐口感嘅蛋餅。 #喜水亭和樂 くうてん博多店 地址：福岡県福岡市博多区博多駅中央街1-1 JR博多シティ くうてん 9F
September 2023訪問
