評論一覽
繁體中文的評論 (全語言評論總數 : 4 則評論)
“福岡日本國產牛燒肉放題”
到日本旅行其中一個重要行情就係燒肉放題，位於福岡天神「燒肉One Karubi Premium」，主打日本國產牛燒肉放題120分鐘。預先網上訂位，我哋下午5點到，餐廳環境寬敞，暗暗燈光有格調，獨立卡座寬敞舒適，私隱度高。 無識中文店員，但有中、英、韓文價目表及簡介，店員用簡單英語同手勢就可以溝通，...放題有兩種價位，分別在於多埋牛舌任食，仲有唔同年齡層嘅優惠：長者、學生、小童、3歲以下免費，收費都幾人性化，我哋選了較貴嗰款，套餐無包酒水，可以單點或者選無限暢飲套餐。 ❁ 無限暢飲套餐 ¥1650/ 1位 同枱每位都必需一齊點，所有酒類：啤酒、清酒、梅酒任飲。 ❁ 鹽味牛舌和日本國產牛烤肉暢吃套餐 ¥5588/ 1位 用平板點菜，有中文介面，食物相精美清楚，基本上睇相已經點到菜，前菜、沙律、小食、牛肉，豚肉、雞肉、內臟、湯、麵飯，款式勁多，由機械人送餐。由環境、服務、食材都係水準之上，呢個價錢可以享受到高質日本燒肉，相比香港真係好抵食。 ⎊ 牛舌 先以牛脂肪抹鐵板，牛舌有三款：鹽味牛舌、大蔥鹽味牛舌、大蒜鹽味醬牛舌，燒薄切牛舌肉質軟，最鍾意佢脆彈嘅口感，牛味濃郁，用鹽輕輕醃過更能提升味道，配大蒜鹽味醬、蔥絲一齊燒，口感更有層次。 ⎊ 日本國產牛肉 款式非常多：牛五花、牛背肉、上等里肌、牛肋條、大蒜鹽味醬北海道牛小排、芥末鹽北海道牛小排⋯⋯ 唔同部位唔同調味，食出唔同口感，全部都好正。 ⎊ 前菜 隨意點一些，涼拌菜拼盤、豆芽涼拌菜、青瓜、泡菜⋯⋯清爽減肉膩。 ⎊ 絕品 有幾款小食，帆立貝裙邊，煙煙韌韌，咬口十足；芝士烤焗馬鈴薯，芝士味濃郁，試一啖就可以，食得多會好飽；最鍾意生烤牛肉，牛肉刺身切條，撈生蛋黃同山藥要一齊食更滑溜。 ⎊內臟 都有好多款，嚟到福岡一定要食牛大腸，成舊白雪雪好似棉花嘅脂肪，燒後腸衣表面焦脆有嚼勁，入口脂肪軟綿綿，一路咬一路唧出油脂，但一啲都唔肥，必食推介。蜂窩胃即係金錢肚，爽口有嚼勁。 ⎊ 甜品 每人可以揀一份甜品，都幾大份，唔係普通飯後送甜品，俾粒雪米滋你，直頭係香港cafe叫份甜品要$50-$60嗰啲。我哋叫咗芝士蛋糕配草莓繽紛芭菲、雲呢拿意式雪糕配水果、西柚配檸檬沙冰、杏仁豆腐配水果，大家share試吓，好豐富。 燒肉One Karubi Premium天神今泉 地址：〒810-0021 福岡県福岡市中央区今泉１丁目２２−18 #燒肉放題 #天神美食 #福岡美食 #九州之旅
September 2023訪問
“性價比高的優質壽司店”
這裡的大檯數目不多, 多人前往會需要等候長時間一點, 幸好我們已過了繁忙時間, 只等了15分鐘便可入坐。店外便有停車場可供免費泊車, 非常方便。壽司的飯及刺身都較為大件, 吃了不多已有飽的感覺。所有壽司都非常鮮味, 尤其海膽及帆立貝更令人回味, 可惜中拖羅已售罄。另外, 店內提供自助添飲的麵豉湯, ...加了很多蔥, 非常美味。性價比亦非常高, 一行七人只是消費約港幣$800。
September 2018訪問
