評論一覽
繁體中文的評論 (全語言評論總數 : 11 則評論)
llhkg
“超抵食壽喜燒Lunch”
14/Feb/2020的評論
壽喜燒 Sukiyaki：相信大家唔會陌生。今次東京之旅其中一餐選了位於【初台】站的【松阪牛よし田】，由新宿出發乘搭【京王新線】只係一個站幾分鐘的車程，留意一下係京王新線，並不是京王線，落車從東口走1分鐘左右到達 【東京オペラシティタワー Tokyo Opera City Tower】餐廳座落於53...樓，居高臨下，風景怡人，可飽覽東京的景色。11:30開店，已經提早了15分鐘到達，依然有10-15人在排隊，我就知道不會差了。等待店員安排好座位就可以入去，今次有幸坐在廚師面前欣賞廚藝，可惜我唔係食鐵板燒呢 午餐包了雞蛋，白飯，湯，伴莱。伴菜有明太子超好呀。 主角松阪牛係日本3大和牛之一，浸在甜醬油入面，本身已經入口即溶，再沾上生雞蛋簡直係一流享受。傳統壽喜燒會有專人煮埋俾你，呢個沒有，因為價錢係意想不到地平。松阪牛⊕壽喜燒⊕一流環境，午餐只係 JPY1500 (已連稅)，折合港幣107左右，完全物超超超超所值。如果你有 budget 可以夜晚來欣賞一下夜景，不過價錢後面會多一個0，識食緊係食午餐啦 另一重點係，暫時未見有遊客，趁未被攻陷前多來一次。呢間絕對會 encore 系列，下次應該會試埋鐵板燒
December 2019訪問
