評論一覽
繁體中文的評論 (全語言評論總數 : 35 則評論)
Kwok C
香港
“環境舒適日本美食”
07/Jun/2021的評論
今次去東京朋友話一定要去鳥良，我問佢點解，佢話因為上次去日本食完覺得好正，所以今次要反兜再食一次，既然朋友推介就去尋食吓先，原來在日本都好多分店，在新宿即管找吓，睇旅遊書都有介紹新宿有兩間分店，今次就找到間樓上鋪，入來要除鞋，環境好舒適，有卡位、窗囗位和有房 我哋睇吓menu係寫日文，好在有d係漢字...和圖片，而我朋友識d日文，唔識既唯有靠估，我fd話雞翼好食所以一定叫，雞翼分麻辣既大辛、中辛和甘囗味道，（手羽先唐揚-甘囗）應該係原味雞翼，我哋叫左一碟，另外再叫左個蕎麥麵餐和海老塩天丼御膳 侍應首先逢上個雞翼，賣相幾靚，而且雞翼 鋪上芝麻增加香味和口感，入口即刻感受到雞翼有陣好濃香既醬汁味浸出，肉質香脆嫩滑，朋友聽侍應講雞翼原來用一個月大既雛雞翼，然後用多種香料釀製整個月既醬汁炸，所以噤入味 蕎麥麵餐，個豆腐好滑，蕎麥麵好煙韌彈牙 海老塩天丼御膳，好大碗好靚，脆粉好脆，好多蝦，侍應叫我wasbi和塩，還有幾碟小碟倒落碗飯，再將茶壼既湯倒落飯，撈勻來食，唔落湯炸物好脆，落左後囗感又唔同，而且將所有嘢撈勻來食，有幾種唔同口味 大家來曰本可以來試吓，環境真係幾舒適，食物幾好味
July 2020訪問
